Anti-Lentivirus on Windows Pc

Anti-Lentivirus hi HIV/AIDS chungchang inzirtirna leh bihchianna mai bakah a kaihhnawih thu leh hla, thawnthu tawi thlenga chhiarna tur atan liau liaua duan a ni a. Kan ram chhanna atan heti lama thawktute leh mithiam te mai bakah, activist te, PLHIV community leh Drugs user community te pawh kan article leh testimony te a ṭangkai tur nia kan hriat chu thawh ve ṭheuh turin kan insawm e.

He application hi install a nih chuan:
- Nu leh pa lam tan fate zirtirna pek nan a rawn theih ang a.
- Zirtirtu tan zirlaite zirtirna atan a rawn theih ang.
- Rawngbawltu tan thusawinaa zeh tel duh ang chi te pawh he app hmang hian a bih theih ang a.
- Khawtlang hruaitu lam tan bangbo bik lo tura rawn tlak a ni ang.
- Heti lama thawktute tan pawh in ennawnna atan a ṭangkai thei ang.
- Mimal tin tan inchhiarzauna ṭangkai tak a ni thei ang.

Application hman dan:
- A install tu apiang ta a ni deuh ber dawn a, ṭhahhnem kan ngaih dan a zir zelin a hlawkin a hlawk dawn lo a. Post tina comment-ah kan zawhbelh duh kan zawt belh zel ang a, a hmu hmasa sain kan chhang zel thei bawk ang.
- App aṭanga comment hnutchhiah thei tur chuan App i hawn ruala a chung veilama MENU (line 3 inchherchhuan) kha click la, settings ah lutin i hming leh i email hman lai ngei i chhu lut hmasa dawn nia.
- HIV/AIDS lama thawktute leh activist mi ṭhahnemngai a duh apiang tan Article submit theih a ni ang.
- Damdawi lo hmangsual tawha nun bul ṭan thar leh te; HIV lo kai palh tawh, midang cho chhuak tura penchhuak duh te; chutiang lam mi te tan Testimony submit theih a ni bawk ang.
- Testimony/Article submit dawn hian mahni details chiang taka ziah a ngai ang (dawt leh phuahchawp a tel lohna atan) a, mahse kan identity thup kan duh a nih chuan Testimony/Article bul ṭanna paragraph ah ziah tel mai tur a ni ang.
- Testimony/Article i submit dawn chuan App i hawn ruala a chung kil vei lama Menu (line 3 inchherchhuan) kha i hmet ang a > Submit Testimony/Article i hmet leh ang a > A chung berah i thu submit tur kha Article nge Testimony huanga dah tur i thlang ang a > A hnuaiah khan i thuziah thupui tur i chhu lut ang a > A hnuai leh chiahah khan i thuziak i paste thei a, i type lut thei bawk.. > A hnuaiah khan i Hming, Mobile Number, Email leh Address i chhu lut leh ang a > Submit tih kha i click dawn nia.
- Article/Testimony submit hi application ah a lut nghal dawn lo a, review a nih hnuah, lut tlaka ngaih te chu a Mizo ṭawng hman te pawh edit a nih hnuah chauh a luh dawn avangin a tlai deuh hret zel dawn a. Lut tlak lova ngaih palh a nih phei chuan lut lo thei tho bawk a ni!
- Thuziak reng reng, a ziaktuin inthup a duh zawk a nih ngawt lo chuan a ziaktu hming dah tel zel a ni ang a, a ziaktuin inthup a nih chuan 'Anonymous' tiin emaw dah mai a ni ang.
- Post tinah Save button (Floppy Icon) a awm ang a, post save apiang hi data awm loh lai pawhin offline a chhiar theih a nih dawn avangin post thar apiang lo save zel a fuh ang.

Tichuan mitinin facebook leh google a zawn buai ngai lovin, he application hi kan install a nih chuan, he application a post lut reng reng kan duh hun hunah kan kheuh chhuak zet zet mai dawn a ni.

Bug fixes and improvement.

Allows applications to open network sockets.
Allows applications to access information about networks.
Allows an application to write to external storage.
Allows an application to read from external storage.
Allows using PowerManager WakeLocks to keep processor from sleeping or screen from dimming.
Allows access to the vibrator.
Allows an application to receive the ACTION_BOOT_COMPLETED that is broadcast after the system finishes booting.